吉遜（左）接到朗尼（右）嘅命令，去到愛華頓有個重要任務，唔通係要對曼聯嗰陣擺烏龍！當然講笑啫，原來朗尼想幫個仔攞件吉遜嘅愛華頓波衫。吉遜加盟「拖肥糖」之後同傳媒表示：「我上禮拜同朗尼提起轉會嘅事，佢同我講好掛住喺愛華頓嘅日子，仲話愛華頓係間好好嘅球會，粉絲又好熱情，但最緊要係幫佢個仔拎件印咗我名嘅波衫！」