【本報訊】最近網上瘋傳一則報道，指有人在更換慳電膽時，因燈泡太熱失手摔破，後不慎踩在玻璃碎上，腳底被割傷，且接觸到燈泡內釋放出來的水銀。他往醫院治理傷口，卻因腳部已中了水銀毒，腳上皮膚肌肉組織無法停止的壞死，最後要在深切治療部留醫兩周，更差點死去。雖被救活，卻要面臨可能被截肢的命運，康復之路遙遙。報道一出不少人熱烈討論，有人建議轉用led燈，因led燈不含水銀。不過大部份人嫌led燈太貴，提議索性走回頭路，轉用最傳統的鎢絲燈泡。
醫生對真實性存疑
記者將報道給急症室專科醫生彭繼茂看，他對事件的真實性存疑：「傷者嘅傷口好長好『巖巉』，但正常你一踩落去啲玻璃碎片度，就會即刻縮腳，所以傷口冇理由咁深咁長，應該係幾撻尖嘅傷口。第二，傷口發炎含膿同中水銀毒冇關係。傷口發炎係因為你遲左處理傷口，即係過左六個鐘都唔清除異物。傷者如果患糖尿病、糖尿腳或者血液運行得唔好嗰啲，傷口發炎程度會嚴重好多。水銀中毒係日積月累，通常入血管，影響內臟好似腦、肺同腎，中左水銀毒嘅人皮膚會變左粉紅色。」
雖然報道是「流料」居多，但地球之友經理朱漢強提醒市民，一旦打爛慳電膽，最好開窗讓釋出的水銀隨空氣流散，戴上手套，小心清理玻璃碎片，然後用濕毛巾抹乾淨，最後用報紙把碎片和濕毛巾包好，再放入膠袋內丟掉。此外，市民切勿用吸塵機清理現場，因水銀會由吸塵機的排氣散播屋內。