噚日係郭可盈同林文龍愛女林天若（乳名津津）兩歲生日，可盈同文龍噚日一早同囡囡安排好生日會慶祝，佢哋仲將全家福嘅相放上微博，相中見佢哋一家三口喺個大大個嘅生日蛋糕前影相，可盈同文龍仲齊齊錫津津塊面，津津當然笑得好開心。
原來津津遺傳咗父母嘅演藝細胞，有張相見佢攞住支咪唱歌，可盈就喺微博留言話：「津姐突然變咪霸，逗得大家很開心！」文龍亦祝福囡囡話：「大小姐兩歲生日，爸爸祝你永遠開心、快樂，身體健康！」
姚瑩瑩唔再拍劇
文龍同可盈錫自己囡囡之餘，對內地小朋友都好關心，早排佢哋就幫宣明會拍宣傳片，呼籲大眾捐錢幫助山區貧童。可盈亦喺微博呼籲：「年尾大家都應該出了雙糧或花紅吧！在獎勵自己之餘，何不捐一點出來幫助貧困人士改善生活，多做善事，人都靚啲！」
另外，姚瑩瑩噚日亦將佢6個月大囝囝Evan嘅相放上微博，為咗照顧BB，瑩瑩計劃唔再拍劇，實行做全職媽咪。