這幾天，香港飛台灣的機位十分緊張，不少台灣人回去投票。
自掏腰包花上幾千元港元買機票，還要頻撲兩地花時間，就是為了要在選舉日投票，對一般香港人來說，可能難以想像。過去幾屆的台灣總統選舉，投票率都達七、八成；上屆香港立法會地區直選，投票率才不過四成半。
J是香港人，因為媽媽是台灣人，她有台灣戶籍，昨日特別由香港趕回台灣，準備今日選總統，「唔止我，有同學、朋友喺內地都會返去投票。」「我上屆都有返去投票，因為阿扁太差，唔想民進黨（謝長廷）執政，返去投畀馬英九。今次返去係想馬英九連任，因為清廉好重要，而且馬英九任內經濟算做得OK。」
奇怪的是，J在香港甚至沒有登記做選民。問她為甚麼？她想了一想，這樣回答：「我返台灣投嘅呢一票，我覺得真係可以左右到大局，真係可以影響到邊個做總統，影響到台灣將來。但香港區議會同立法會都唔係全面直選，特首更加唔係我哋選出來。好多政策講到底，都係北京阿爺控制。」
那她甚麼時候才會在香港登記做選民，在香港的選舉投神聖的一票？w她不假思索：「真係一人一票普選特首嘅時候囉！」
多謝J的提醒，香港的特首跑馬仔扮選舉雖然扮得很認真，但人家的「雙英戰」，才是貨真價實的民主選舉。