本地不少零售業力撐反名店霸權，facebook有「反D&G同海港城霸權」的群組，得到土炮時裝店及團購網等共有4,000人「like」，而有網民發現以出位見稱的潮店G.O.D.銅鑼灣分店近日櫥窗寫有「任影唔嬲」字樣，甚具「玩味」，將相片上載上網流傳，該店回應表示：「都係搞吓笑啫，鍾意咪影囉，影都係有人欣賞啫！」。
有尖沙嘴酒吧則「收相不改錢」支持圍攝，市民只要展示挑機相，即可在圍拍當日（即上周日、昨日及明日）免費獲贈一杯無酒精飲品。該店經理Alan表示，酒吧平日只在晚上九時開業，為撐今次行動，一眾員工特別提早營業招待抗議人士，「我哋要支持為香港人尊嚴作出努力嘅朋友！」
facebook發起的「D&G門口萬人影相活動」，參加人數已近2.3萬人，不少人將挑機相即時上載與人分享。不少網民留言呼籲大家明天下午三時準時到場挑機，直至該店道歉為止。
《蘋果》記者