日本女足教練佐佐木則夫（左）喺之前國際足協年度頒獎禮，攞咗最佳女足教練，頒獎禮之後，佐佐木就畀個獎工作人員拎番去酒店先，到佢返去想拎個獎出嚟畀老婆睇吓，個獎嘅上半部份竟然由底座度甩咗出嚟！所以，當佐佐木返到日本之後，第一時間用雙面膠紙黐番個獎，然後放入日本足球博物館。家佐佐木最希望當局快啲搵個專家嚟，整番好個獎。