巴西球星李華度（右）可以話係「球壇哥倫布」！佢將會加盟安哥拉球隊卡布斯哥普。呢位39歲前鋒似乎想藉踢波環遊世界，而且唔冷門嘅地方佢就唔去。前兩年，佢就去咗踢烏茲別克嘅賓約哥，仲幫球隊踢亞冠盃。玩完亞洲，今年佢就睇中非洲，佢喺Twitter透露，自己去緊安哥拉傾合約，仲話好高興接受新挑戰。