蘋機會：美國CES直擊（四之二）　LG巨芒快一千倍　殘影ByeBye

蘋機會：美國CES直擊（四之二）　LG巨芒快一千倍　殘影ByeBye

在今年CES中，LG展館相當搶眼，尤其一幅容納過百人欣賞嘅3D幕牆。咁都未夠出位，LG仲展出一款全球最大嘅OLED電視，顏色準確之餘，顯示反應更比傳統液晶電視快一千倍，舊有殘影的弊病，可以SayBye了。

記者、攝影：許福合

4mm激薄兼有靚畫面

近年CES之中，電視產品一向是焦點之一，從年頭就可預見來年電視走勢。而今年LG會場中，大家目光都集中在一款OLEDTVEM9600身上，因為屏幕達到55"，除了可視面積夠大夠誇外，行近細心一睇，會發現電視畫面幾乎同真實事物一樣，可見其細緻度相當之足夠。與現時LED及LCDTV比較，OLEDTV的色彩運算能力大為提高，能以快一千倍速度刷新屏幕顯示，擺脫液晶電視慣性出現嘅殘影毛病，亦有助進一步提升真實視覺效果。
之所以有咁正畫面，是因為使用紅、綠、藍及白色4種影像顏色嘅4-ColorPixels技術，令畫面顏色準確還原，再加上ColorRefiner技術，可提高屏幕顯示色彩的連貫性，用家就能享用到更寬闊可視角度，亦不會出現傳統RGB三原色在色差及色域還原不足的情況。而機身方面，只有4mm薄身，重量更不超過7.5kg，加上型格的賣相，若是掛牆使用，牆身就好似「開」多一個裝飾窗口般，品味生活就是如此。

■能夠有機會睇到世界最大嘅55"OLEDTV，場館自然人頭湧湧。

■LG展館設巨型電視幕牆，讓過百人同時欣賞3D影片，勁有氣勢。

■作為主要CES參展商，無論佔地同人流，都經常處於爆滿狀態。

■3D效果比LEDTV更佳，影像立體感更真實。

■利用4-ColorPixels技術，顏色能更準確還原。

■3D眼鏡設計得越嚟越輕巧。

■4mm超薄機身，掛牆後似幅畫多過電視機。

滿場3D黑超

■Daniel：「3D立體感比LEDTV更強，而且不覺得頭暈。」

■Dylan：「4mm機身好薄，我買了一定掛牆嚟睇。」

LG展品巡場
SmartTV雲端雙打

新的CINEMA3DSmartTV，最大型號有成84"，比傳統電視高4倍解像度（3,840×2,160），而且有齊最新SmartTV功能，最好玩係DualPlay，玩雙人遊戲時可配搭兩組3D眼鏡，戴上後可各自看到所屬3D遊戲畫面，毋須像傳統分割式般縮細畫面，還包括有雲端遊戲及超過1,200個應用程式供下載，認真夠Smart。

■84"的3DUDTV，解像度比傳統電視高4倍。

■2人分別戴上3D眼鏡，用一個電視就可睇到不同的遊戲畫面，方便雙打。

3DIPS芒178°睇晒

DM2792D屬LG旗艦級電腦芒，除支援3D顯示，亦用上IPS面板，可視角度更達到178°，企喺側邊都睇到。

勁上9.1聲道

9.1聲道的BH9420PW，具備3DSoundZooming技術，可調整聲音輸出，以配合影像達到更佳效果，欣賞大電影時自然更投入。同時使用3D揚聲器，可360°全方位發聲。

IPS靚芒

LG有款新手機Spectrum曝光，配搭1.5GHz雙核CPU外，仲有4.5吋TureHDIPS靚芒，現場亦以4GLte作網絡示範，串流EPSN影片播放快夾正。