今個冬天轉會市場已走了近半，大鑼大鼓出口術仍不少，但實際上一片死寂；有條件跳槽、但想走未走得嘅球員，此刻與原屬最尷尬，看保頓及布力般兩榜尾球會便知。今天重心，博作客表面賽績勁弱嘅富咸，走去踩多布力般一腳，上盤超高水冒險一博。
經濟環境幾差都好，有些屬傳統球會icon嘅，戰力走下坡也難輕言分手，波亞斯早想踢走林伯，但應該過唔到波士阿巴嗰關，焗住表態挽留。但利記仲剛宣佈同31歲半嘅謝四續長約，表面上係給老臣一個安穩五星級的家，他日掛靴做埋球會吉祥物，實際上當年敗筆放走沙比阿朗素後，今季初重蹈覆轍讓當打勇將魯爾梅利斯去同級競爭對手車仔。中場後繼無人，夏天才加盟嘅查理阿當雖同杜帥屬蘇格蘭同鄉，但表現未達頂級水平，可能定咗型係中游分子主將貨色；又係靠謝四復出，紅軍生晒，不愧icon，頂得幾耐得幾耐，等另一新星「軒仔」成熟。不過紅軍喺盃仔作客出真力打贏曼城，匆匆轉戰聯賽鬥向來硬淨嘅史篤城捧到1.33倍咁熱，呢班波熱倒冷爆常有，紅軍小心俾叛將高治搞掂！
近期捧英超熱門，真係輸到暈，保頓今作客紅魔應仲有未走得嘅加利卡希爾頂住防線，曼聯個盤開到[-2]未太穩陣，雖有朗尼與老費修好加上史高斯回巢好消息盡出，博3:1，3:0波膽好過。英格蘭當紥國腳加利卡希爾難留，但近排喺保頓仍有「士哥」冇放鬆，何況將加盟嘅係紅魔對頭車仔；但係今屆另一中下游嘅星級中堅基斯杜化森巴，同布力般關係若即若離。上年夏天走唔甩，呢位出身一般嘅「剛果巨人」已27歲，喺布力般前中後打晒，無非想博大會青睞攞職業生涯最後一張肥約，再留喺呢支東北爛隊多半年，唔會再同你講忠誠；今仗主場賽前鬥富咸，又出嚟講受夠要走，加埋射手耶高保及有前途翼鋒凱列特全被人撬緊過檔，年輕領隊卻恩仲頂得住？
富咸作客表面頗差，勝率極低但不敗率有6成，上一次作客好勁嘅升班馬諾域治領先咗80幾分鐘被追和，贏埋阿仙奴有回起之勢；莊家夠絕，開出客軍讓平/半高水，希望今次真係可以送到布力般一程。
下次見報（21/01）
蘋果波神
今日重心推介
熱選
富咸（上）
冷選
利物浦和（4.35）