「宇宙最強」甄子丹昨日以古裝武士打扮到柴灣工業城為3D新片《3D急凍奇俠》拍攝海報，早前有報道指子丹年賺兩億，子丹否認其事說：「邊有咁多，報道戲劇化咗，我又唔覺賺得特別多，每個演員都有自己價值。」
借青馬大橋
是否有九位數字？子丹笑言：「我唔知，交晒畀老婆，佢先係老闆。」
問子丹賺大錢後下個目標是否影帝？他坦言沒有刻意去想，只希望觀眾喜歡他飾演的角色，又透露正醞釀跟葉偉信再拍《葉問》系列，會否先等梁朝偉的《一代宗師》拍完？他笑說：「可能要多五年！」另外，老闆蕭定一表示《急》片投資了約二千萬美元（約1.55億港元），戲中不乏大場面，他說：「我哋借青馬大橋拍，政府已經通過咗，可能會借埋禮賓府同政府總部。」
採訪、攝影：文國駿