阮兆祥最近為無綫收費電視拍宣傳片同賀年片段，佢知道自己有份演出嘅《我愛香港開心萬歲》即將於電影台首播，搞到佢不知幾咁興奮，因為當日祥仔喺戲中同盧覓雪飾演姊妹花，深入民心。提到農曆年就快到，祥仔表示自己間中都會到年宵市場行吓，問到會唔會買桃花催旺桃花運？祥仔話：「藝人一定要有桃花運，增加觀眾緣，但千祈唔好有桃花劫。」