馬楚成執導的新片《極速天使》，重金禮聘張栢芝、劉若英及湯唯三位影后鬥戲，導演還以出名難拍的賽車場面包裝這個友情故事。撇除前期製作及拍攝，後期電腦特技也花了一年，製作一絲不苟，馬楚成日前說：「成齣戲製作超過兩年，係我花最長時間製作嘅電影。」
「係做導演嘅壓力」
會否擔心被指為負數演員的張栢芝拖低票房？馬楚成說：「喺電影圈唔可以因為兩三部戲定人哋輸贏，好多當年俾人話係票房毒藥嘅演員，家紅到不得了，每個人都有過程，除非佢今後唔拍戲啦！佢仲有咁多戲拍、咁多合約，唔好咁快批死一個人。」但說實話，馬楚成坦言：「票房我每一部戲都擔心，係做導演嘅壓力。」
採訪：張俊銘 攝影：仇志德