謝安琪（Kay）的經理人經常傳與唱片公司新藝寶出現爭拗，最近甚至傳出Kay跟唱片公司反面被放入「雪櫃」，而最新版本更指她豪掟300萬贖身離開。昨日Kay為紅館個唱綵排，雖然她否認解約，但看來跟新藝寶關係已陷入僵局。
謝安琪今晚將在紅館舉行一連兩場「你們的幸福演唱會」，最近有指她的經理人公司及唱片公司新藝寶合作出現分歧，結果她被唱片公司雪藏。另方面Kay的經理人夏森美眼見唱片公司力捧剛剛加盟的吳雨霏（Kary），因此傳出Kay豪掟300萬要求贖身解約。
累Kary做磨心
昨日Kay到紅館綵排，她承認兩邊公司合作上曾出現問題：「最近係發生咗啲事，唱片公司經歷好多嘢，總之所有嘢都交畀公司處理。」提到Kary無辜成為事件磨心，Kay坦言怕對方誤會，曾主動聯絡Kary：「報道話Kary嚟咗之後，經理人要爭取啲乜，但唔係咁。我想講唔關Kary事，我好欣賞同錫佢，佢家有好發展我都戥佢開心。」
有傳Kay跟唱片公司交惡，昨日綵排現場亦未見有唱片公司人員出現，她說：「有請同事嚟，但可能佢哋有工作在身，聽日應該會有工作人員嚟。」
推出肖像郵票
新藝寶高層黃劍濤昨日到機場酒店出席張學友演唱會記者會，提到Kay解約一事，他說：「唔係，不過唱片公司同Kay嘅經理人真係溝通唔到，唔關Kay事。」黃劍濤坦言已提出幾個方案給Kay經理人考慮，若果雙方依然未能達成共職，的確不排除解約。
此外，中國郵政為代言人Kay推出演唱會限量紀念郵票，在個唱期間全國首賣，寓意Kay在新一年跟大家分享幸福。
採訪、攝影：葉雪
