搵到錢唔一定有錢，就好似車路士隊長泰利（圖）咁，雖則佢每周搵成17萬鎊（約204萬港元），但仲鬼咁手緊，日前就被踢爆第4次按佢嗰間價值220萬鎊嘅豪宅，加加埋埋借咗成465萬鎊。佢咁有錢都咁唔掂，睇嚟佢真係爭落人好多錢。話時話，呢位英格蘭國腳中堅既鹹濕又爛賭，唔通因為要畀揞口費同埋還賭債，所以搞到要靠間屋嚟撲水？