前爵士教練史龍（圖），上季季中被球會解約，之後一路都處於退休狀態。不過呢位NBA史上第3最多勝仗教頭，星期一接受美國傳媒訪問時話，只要時機啱嘅話，必定會出山。帝王早前炒咗韋斯科，用教波功力麻麻嘅助教史密特暫代；而巫師同網隊成績咁曳，桑達斯同艾菲利莊遜帥位岌岌可危，睇嚟史龍口中嘅時機不遠矣。