入行20年的梁漢文（Edmond），本月在紅館開演唱會，可惜被指門票滯銷，Edmond直認有擔心過在農曆年開演唱會，更自爆以往低潮期試過收埋自己不想見人，但現在有公司支持，而且是入行20年的一個紀念，還有老友跟老婆齊齊撐住。
梁漢文本月28、29日在紅館舉行兩場演唱會，之前傳其公司人事變動，個唱欠缺宣傳，令門票滯銷，事後他解釋過未有因公司問題影響宣傳，對銷情仍有信心，但其實之前Edmond接受本報專訪時，都有提及過演唱會，當時坦言都有擔心。
一嘗個唱𢭃利是
Edmond說：「因為演唱會喺農曆年初六同初七，都知唔係好多歌手可以handle到，但係自己入行20年嘅演唱會，公司又畀信心我，自己又未試過喺演唱會𢭃吓利是，希望到時啲人外遊完返嚟，嚟睇我演唱會啦。」
樂觀的Edmond勝在圈中朋友多，所以今次開演唱會有大把老友撐，就連大肚的楊千嬅也義不容辭，大住肚都要任嘉賓，還有復合後的許志安與鄭秀文等，Edmond透露入行20年度過不少低潮，他坦言：「真係唔易過，有段時間情緒上都出咗問題，試過唔想見人收埋自己，不過可能係大仔嘅關係，總會諗到辦法解決同調整自己，當然老婆喺我身邊都幫咗我唔少。」
做好自己付出多
今次演唱會Edmond找來老婆設計形象，實行夫妻檔拍住上，努力為演唱會付出，他坦言：「做好自己，其他嘢就交畀公司，唔擔心得咁多。」
採訪：胡比 攝影：仇志德
