小馬星期三作客100:86大炒活塞，喺第4節最後5分半鐘大局已定，冇乜嘢好睇，不過就見到上星期加盟小馬嘅易建聯（圖）落場，正式回歸NBA！可惜嘅係，喺呢5分鐘，阿聯睇落好似有啲緊張，一次起手都冇，只係貢獻咗1個籃板球同1次個犯。唔使驚喎阿聯，你喺發展聯盟（NBDL）入咁多分，小馬就係睇中你嘅進攻能力先召你歸隊㗎。