英冠葉士域治主帥祖維爾（圖）今屆教隊波越教越差，喺日前場英冠完場前俾伯明翰嘅施積入波輸1:2後，佢仲犯埋天條㖭！乜嘢天條？之唔係歧視女性囉。事緣老葉前鋒祖柏禁區內試過俾伯明翰卡達維侵犯，但女助理球證芬恩就冇表示，祖維爾賽後就好㷫咁話：「呢球波係男人都會畀12碼，可惜嗰個旁證係女人！」