下周日AC米蘭主場對國際米蘭嘅米蘭市打吡，可以講係意甲今年第一場大戰，國米要亦步亦趨上番前列，甚至挑戰AC嘅榜首位，中場大腦史奈達（圖）已經復操，有望趕及打吡戰上陣，而右閘馬爾干大腿傷問題不大；AC同國米都爭緊曼城前鋒泰維斯，有傳國米加碼到3,000萬歐元（約3億港元）轉會費，收購戰佔番上風喎。