千億新抱徐子淇自從嫁入恒基做二少奶後，便絕迹天橋，前晚她罕有地現身Primo模特兒公司的開幕酒會力撐舊同僚，其間徐子淇的保鑣大為緊張，以為徐子淇又有孕，她即詫異說正減肥，身材不似懷孕吧！
模特兒公司Primo前晚在尖沙嘴舉行開幕酒會，邀得皮草太子王大業、吳嘉龍、陳君宜、湯鎮業侄女湯洛雯等到場，呂慧儀則到場為有份行騷的老公黃文迪打氣，Primo旗下逾百位模特兒總動員現身，包括一姐MandyLieu、傅嘉莉、周子揚緋聞女友徐靖雯、第三代Canon女MelanieZ.及麥浚翹女友李慧思（Cice）等，場面盛大。
爆老公保守
千億新抱徐子淇穿上銀灰色閃石晚裝裙壓軸現身，她以英語向大會致賀詞，其後獲大會送上「PRIMOCATHY」字樣手鏈，地位超然。訪問期間，徐子淇身旁保鑣甚為緊張，猶如左右護法，記者即問徐子淇是否四度有喜？她即反問記者說：「我似有咗咩？冇，我減咗幾日肥㗎啦！」
問到可有技癢想行天橋？徐子淇直言聽到音樂已經好緊張，沒膽行騷，又寄語模千萬別放棄學業，她說：「可以兼住做，如果我唔係做呢行，都唔會讀書咁叻，因為我要有好成績畀父母睇。好多人話呢行好複雜，其實都係睇自己。」假如兩位千金有意入行行天橋，徐子淇笑言自己沒所謂，但老公應該反對：「佢思想傳統啲，我哋結婚前一年都唔係咁鍾意我做。」她又謙稱自己不是成功例子，只是符碌入行：「我又唔高又唔瘦，做嘢都係喺香港，去外國都冇機會，係好符碌，唔係成功係好彩。」
Mandy谷胸
此外，MandyLieu谷胸上陣，她笑言要凸顯最好一面，又自爆公司的新名是她改的，但否認是一姐。有翻版徐子淇之稱的傅嘉莉，對於可以與徐子淇同場感興奮，笑言要合照沾旺氣。
掙訪：盧妹攝影：葉君海