呢排好多食肆嘅食物都發現有污糟嘢，例如有蟲同假睫毛等，包羅萬有你真係諗都諗唔到。呂慧儀噚晚都遇上咁唔好彩嘅事，佢喺微博貼咗張相出嚟，相中似係糕點嘅食物，最恐怖係有隻蟲喺上面，真係見到都反胃，呂慧儀留言話：「剛才吃外賣竟然給我見到這個！真是豐富蛋白質。」好彩呂慧儀眼明手快睇到有蟲咋，唔係食咗落肚搞到唔舒服就唔抵。