我愛你！我願意！喺婚禮上例必聽到一對新人講！但近呢一、兩年，仲要同多一個講，之唔係我哋嘅地球先生囉，家好多新人喺婚禮上宣誓愛情之餘，仲會一齊高呼我愛環保！同地球先生講我願意！
記者：陳家蕊
攝影：林栢鈞
Model：Kinki、Low@Puremodel
環保婚禮 必備元素
環保囍帖 要低碳
當你決定結婚、擺酒，須要話畀人知時，最環保方法一定係用facebook、微博，又或電子請帖公告天下！不過結婚並唔係你同你愛人嘅事，有時都要顧及雙方長輩嘅感受，用再造紙印請帖，可以話係另一條底線！
一般再造紙，係用回收廢物代替木材再經處理而成，不過真正嘅環保再造紙，仲有一個低碳製程，即係造紙廠在造紙時盡力將碳排放減至最低；由於規格咁高，所以傳統上「再造紙」價格會比普通紙高，嫌市面再造紙款色太普通？但專門印刷再造紙的友邦洋紙發言人表示，現在用再造紙印刷囍帖價格，已經同普通囍帖價格相近，而且亦經過了大革新！
巴士新娘 路人都祝福
有無想像過着住婚紗禮服，喺街頭行走同接受路人甲乙丙嘅祝福？咪以為淨係拍戲先可以咁做，喺環保指引上面都有寫鼓勵新人同去會場嘅親友，如果可以就盡量行路去會場，又或者搭公共交通工具。當然你可能覺得搭巴士太矚目，始終坐喺花車先似係結婚，咁就記得花車要用耗油量低嘅私家車啦！
結婚酒 一定走魚翅
成個婚禮，新人造型同擺設往往就係主角！香港婚禮管理協會表示，選擇環保婚禮的新人多數鍾情簡約舒適禮服，例如新娘婚紗好多時都會就咁白色設計，沒有甚麼細節位。會場佈置特別在於少用花去佈置，因為鮮花好多時候都係空運抵港，而空運會增加碳排放。
菜單上，無翅婚禮已經成為大勢所趨，支持無翅的酒家酒店已經超過四十間，食物亦鼓勵多菜少肉。另外，環保婚禮亦鼓吹在中午戶外舉行，因為可用自然光，而且相較傳統晚上舉行的婚宴會更便宜，平均只需$4,000一圍。
環保婚禮 禮品推介
香港婚禮管理協會發言人表示，有唔少二三十歲新人都覺得環保婚禮幾有意義！佢會比一般婚禮簡約，唔主張繁文縟節；近一兩年，經過海洋保育組織呼籲之後，好多人擺酒都會選擇無翅婚宴，但係環保婚禮除咗唔食翅之外，仲有好多環保指引可以跟，環保可以由你派帖、到一件小回禮開始！
小植物回禮有排擺
婚禮上永不會缺少的，必定是回禮「小禮物」，但最通常收到嘅，都會係小相架、心口針一類，靚則靚矣，但係實用性真係非常低，甚或宴會完後就會成為一件「即棄」垃圾；環保指引就建議贈送一啲小植物給賓客，如果親友拎返屋企用心栽種，植物健康生長，可能好多年後望到盆植物，依然會記得曾經參加過一個好有意義嘅環保婚禮。
自行分解 種子紙
種子紙是一種在造紙過程中，添加了各類花草種子的百分百回收紙。當它被放在泥土中時，紙張會自行分解，而紙張中的種子在合適的溫濕度下將會破土而出，發芽、生長。而種子紙可剪裁成不同形狀，對賓客來說，是一份相當特別禮物。
綠茶花瓶 夠甜蜜
相吻的人形花瓶，盡顯一對新人永不分離的真摰感情。另外送上綠茶包，冲出濃情蜜意。加上這款茶包是有機產品，不含化學肥料，既健康又愛意滿載。
結婚公仔環保袋
每次看到公仔笑臉，親朋好友就回想起你們的婚禮。環保袋由回收膠樽製造，環保又浪漫。
馬灣綠色公園影靚相
宣揚愛地球的馬灣公園，最近推出綠色婚禮，而且還有西式及傳統中式主題。
查詢
a.GreenShop禮品公司（81008654）
b.友邦洋紙（28731977）
鳴謝
馬灣公園（34461163）
香港婚禮管理協會（21160368）