噚日有報道話宣萱喺內地拍劇缺席殺青儀式，俾內地演員王兆祥同吳啟華寸佢扮大牌，直腸直肚嘅宣萱即刻發聲明還拖，話拍攝期間有人要求佢去唔知名飯局，又亂答應人用同佢嘅合照嚟做借場地條件，宣萱唔答應就俾人話唔配合宣傳。佢仲話有人要多次請先施施然埋位，但有記者在場就唔同晒，宣萱話今次係好嘅教訓，以後會帶眼識人兼小心選擇工作。