唔經唔覺，教主離開「信徒」近半年時間。有人為咗悼念佢、了解佢多啲，會睇吓佢寫嗰本自傳；更甚者，會用埋印有佢圖像嘅iPhoneCase。近日網上更忽然Hit起訂購教主Figure，呢款仿真人比例嘅教主Figure，造型真係好堅，採用滿臉鬚根Look、最靚仔嗰陣為設計藍本，配以招牌黑色T-Shirt牛仔褲，包裝內仲附送一堆i產品，好多網友都話勁傳神，想買番隻返屋企留念喎。不過大家要小心，早排港聞都有報道過，Apple並無授權推出相關產品，準備推出嘅教主Figure，有機會捲入禁售風波。點都好，大家只係出於紀念之情，並非存心買老翻嘅。
部份網站發售嘅產品，仲附送一系列i產品，難怪捲入禁售風波。