「果仁」去世之後，佢個獨生女「小公主」好生性，仲好努力咁工作，而佢一班世叔伯一直喺背後撐腰睇住，發展相當順利，果仁在天之靈應該都好放心同安慰。小公主為咗喺娛樂圈發展，好努力減肥，堅持每日只食菜同好少量嘅肉同飯，為咗食得清淡同埋唔好浪費，佢有時會帶飯盒開工。有一次，小公主食完飯即刻趕住出席活動，見到高官，小公主好有禮貌咁走上前握手打招呼，點知佢咧嘴而笑時，牙罅攝住青菜，工作人員見到即刻借題拉開小公主，帶佢入洗手間搞掂，小公主喺人情世故上已經完全唔使啲世叔伯擔心，但衛生上呢啲小節，睇嚟仲要補吓課。
撰文：關仁