福祿壽阮兆祥、王祖藍及李思捷昨日在新城接受訪問，林峯前晚在無綫勁歌頒獎禮，憑《Chok》爆冷奪金曲金獎，問福祿壽是否覺得他實至名歸？福祿壽即力撐好hit，祥仔說：「《Chok》呢首歌喺我個《變身男女ChokChokChok》節目唱咗幾十集，每個媒體有佢評分準則，首歌喺TVB播得好犀利。」
力爭新人獎
祖藍則說：「呢首歌在網上票數係好高，但實話實說，呢兩年規則唔同咗，我諗下年又有另一個玩法。」
福祿壽謂明年有機會以組合姿態角逐樂壇新人獎，力戰林保怡、陳豪及黃德斌組成的Soberband，祖藍笑說：「如果黃德斌能夠喺樂壇攞獎，我會積極籌備參加香港先生選舉。」
適逢祖藍昨日正日生日，薛家燕特別送上蛋糕，問到願望是否成家立室？他笑說：「冇咁快，儲吓錢先，我邊日攞最受歡迎男歌星，就邊日宣佈結婚。」
採訪、攝影：溫敏芝