在這個數碼時代，攝影人都愛追求像素和方便；偏偏卻有另一班人，鍾情於菲林的浪漫、失真的迷幻色彩。一部部Lomography相機，帶來攝影的另類異想，新推出的LomoKino，更把這個奇妙眼界，從定格帶到動態畫面，在短片世界中延續「Don'tThink,JustShoot!」精神。
記者：韓繼聰
攝影：陳盛臣
Model：Paris@InterplayWorkshop
查詢：LomographyGalleryStore（23683230）
Lomo美少女最愛「罐頭」機
設計如同在沙甸魚罐頭上加鏡頭的LaSardina，是Sanami的新寵。自言對攝影技術沒太多研究的Sanami，毫不諱言：「我最愛LaSardina款式多又靚的機面Pattern，女仔實鍾意。」但唔好以為靚女就只愛外表，原來佢都對攝影有一定堅持同要求。LaSardina有兩段焦距設定，加埋FritztheBlitz閃燈，可簡單調校出個人拍攝風格，啱晒像Sanami識少少又有要求的女影友。加上22mm鏡頭夠Wide，又有多重曝光回捲鈕，夠玩有突！
攪出8米厘電影感
家拍片，一部電話已幫到你，連相機都慳番。但曾幾何時，拍片是昂貴玩意，電影菲林秒秒都係錢。LomoKino就係一部利用普通35mm菲林，不停連拍製造舊式電影效果的攝錄機。「同其他Lomography一樣好易用，只要攪動快門桿就開始拍攝，快慢隨意，出來的效果亦唔同，係全新概念嘅Lomography相機。」Jayson一邊示範，一邊興奮地說。就如N年前動畫原理，把35mm菲林化成144格畫面，再串聯成短片。以每秒3至5格拍攝，一筒菲林大概可錄製36至48秒短片。講流暢講高清，當然唔夠DC、DV勁，但那種真實、古老又原始的電影感，就是任何Filter、Apps都做不出的效果。而且每格菲林都係自己親手「搞」出嚟，令每段片都更珍貴，更有參與感。
17mm玩自拍
「女友鍾意同我一齊自拍，無奈佢手太短，九成相唔係失焦收場，就係Cut咗我個頭。」肥仔苦笑道。所以LC-Wide一推出，已成為肥仔同女友嘅最愛，去到邊都帶住佢。LC-Wide係經典款LC-A的變奏，除咗承繼小巧有型機身，更加上超Wide的17mmMinigon廣角鏡，影景正，自拍更一流！而LC-Wide更可以正常、半格及正方三種格式拍攝，營造不同的攝影效果。
