無綫劇集《天與地》片尾曲《年少無知》為陳豪、林保怡、黃德斌帶來不少音樂的獎項，偏偏無綫《十大勁歌金曲頒獎典禮》冇獎，反而林峯憑一曲《Chok》奪走金曲金獎，網民大呼離譜。對於林峯的金曲《Chok》，陳豪表示未聽過，昨日他出席電視城舉行《愛的季節》宣傳活動時說：「唔識，我只係識《年少無知》，因為我年少無知所以我唔識！」
李亞男恨嫁
陳豪不介意在《勁歌》總選冇獎，認為一首歌是否受歡迎最重要是民意：「得到咁多唔同獎項，尤其係我呢個電視人，德斌第一次唱歌，保怡好耐冇唱歌，集埋一齊好多得着，多一個少一個冇所謂！主要得到人人掌聲、支持，都幾感觸，咁得民心好過得個獎！」
同場的李亞男透露為男友王祖藍在家舉行生日派對，為何不過二人世界？李亞男說：「一班人開心啲，二人世界將來大把機會。」言下之意她似是嫁硬祖藍？她笑言：「我哋都唔細，係好認真對待呢段感情，希望可以一齊行到尾！」
採訪、攝影：楊潔雯