一眾電視台和電台藝人昨日一早在香港大球場出席「公益金百萬行」活動，應屆港姐許亦妮、胡杏兒和陳敏之等代表無綫出席；新城派出鄭融、張智霖和薛家燕；亞視就派出今年候選亞姐參加。
港姐許亦妮自參選時已被踢爆不停媾仔，日前被本報拍到跟四眼男出街，該四眼男是金融才俊，不過已婚是有婦之夫。對於傳出跟有婦之夫拍拖，許亦妮否認說：「佢只係一個識咗好耐嘅朋友，我知佢有太太，嗰日行街撞到，大家交換吓近況，任何人都會有異性朋友，我暫時唔會諗拍拖。」
患異性恐懼症
許亦妮坦言在街上遇到朋友，卻被偷拍繼而引起誤會，故開始對異性有恐懼感，她說：「合照都驚角度引起誤會，以後影相身邊一定要有個女人隔住，就算同親戚影相都要阿媽喺旁邊，唔想俾人話同上年紀嘅男人一齊。」
採訪：魯萍
攝影：黃偉雄
