胡杏兒、李思捷、李詩韻、王浩信和湯盈盈等，昨日在鑽石山宣傳無綫劇集《換樂無窮》。對於劇集首周收視有31點（約198萬人），思捷識做大讚杏兒演得好。
「呢期鍾意杏兒」
提到李思捷在夜店跟「圓潤版林欣彤」攬攬兼掃背，問他有否遭女友春卷王寶寶扭耳仔？李思捷笑說：「扭乜嘢耳仔？睇完得啖笑，我要澄清我呢期唔鍾意林欣彤呢一種，我家鍾意杏兒呢款。」話雖如此，李思捷不忘補鑊大讚女友靚女，又謂自己要向女友多多學習，他說：「佢出去玩，九成都係男仔。」會否交換玩？他說：「交換玩？真係換樂無窮咩！」
問李思捷何時給春卷名份，他開玩笑說：「睇杏兒幾時同Bosco（黃宗澤）分手，我呢期鍾意杏兒。」杏兒得悉被拖落水即說：「我覺得早啲畀個名份春卷，我授權，最多我轉番做地下情。」
採訪、攝影：黃曉妍