是日圖片:地鐵洗邋遢

是日圖片:地鐵洗邋遢

港鐵(066)行政總裁韋達誠上個禮拜二先履新,噚日未坐定已迫不及待率領公司員工一齊做義工,帶小朋友參觀九龍灣車廠。未到年廿八,韋總裁同班細路仔坐喺地鐵車廂入面體驗洗邋遢過程(圖),小朋友見到自動灑水同巨型滾動碌過車窗,都覺得神奇又興奮。韋達誠話,好高興能夠畀小朋友一睹港鐵幕後運作,又多謝同事獻出公餘時間,兼且自己可以同下屬聯誼吓咁話,呢位新任CEO真係識得運用時間。
港鐵提供圖片