光纖入屋、過千MB等廣告口號，寬頻網絡升呢似乎係大趨勢。最近高登有人話，網絡商一定要幫佢升呢，唔升唔得，似乎有啲老屈。想深一層，一般用家真正能感受到的速度提升越來越少，受網絡商寬頻所限，速度本來就難以去盡，還要用家肯投資換埋跟得上速度嘅網絡卡同Router，否則可能會完全感受唔到速度提升。尤其係好多用家只係睇吓網頁、玩吓Facebook，升級更全無意義。網絡商打嚟升級？無所謂，升級但唔加月費囉！