早前「香港人身份認同調查」搞到滿城風雨，連特首候選人亦走出來解畫！但話說回來，究竟香港人係咪咁唔愛國？不如從另一角度睇吓，好似最新打入本港嘅MeizuMX，因為佢喺國內有名氣，而鏡頭、解像度等規格亦交足貨，最緊要賣約三千蚊，只係iPhone六折咋，加上人仔好使過港幣，所以令好多同胞落嚟掃貨！但終歸係國產，莫講話港人唔撐，連先達Sales都表明唔會入貨。點都係同胞，唔該畀次機會啦！