天地數碼（500）跌到近每股淨現金值，睇位兜轉。天地數碼揸住現金2.8億銀，完全無銀貸，每股淨現金0.246元，集團家陣喺近3年低位載浮載沉，現價（0.26元）同每股淨現金值，已經唔係差好遠。而集團呢個低殘價，相對本身NAV0.98元，折讓高達73.7%，有咁大折讓墊底，防風力已經有番咁上下。再講，天地數碼主要股東當中，除咗主席高振順，仲包括中信集團呢位祖國超級大孖沙，揸咗集團近21%。要咁睇，天地數碼出售主要機頂盒業務後，手頭再無大Project，加埋股東背景，對集團中線獲業務壯大，有唔少憧憬。Beforethat，呢轉吼實每股淨現金值0.24元水位兜轉，博扯番上10月高位0.325元，回報率35%，未有耐上到NAV。
漢傳媒冷灶值吼
漢傳媒（491）無乜成交，絕對係冷灶。而集團現價（6.3仙）仲低過08海嘯金融價。又漢傳媒上年6月底，手頭淨現金近1億元，即係每股淨現金8仙，現價仲低過每股現金值，殘到痹。買漢傳媒，想要多啲貨都無，何妨細注怡情，博集團上番8仙現金值，現價升幅27%，目標價NAV折讓，仲高達63%，未有耐升過籠。
錢雋