【本報訊】「嗰晚嘅救命聲，我到家都好似仲聽到咁。」一場大火，奪走9條人命，死裏逃生的生還者亦活在陰霾下，當中住192號6樓的80後社工巫志勇，昨午返回火場收拾細軟，擔心日後仍要在劏房生活。
斥政府責無旁貸
「我喺石籬（中轉屋）經常同班災民傾計，講起大火時好多人都話有發惡夢、有人仲會大喊。」更大的恐懼是，他估計未來日子，還是要住進劏房。「有得揀嘅邊個想用幾千蚊租個幾十呎單位住？但到咗3月，我哋就要搬出石籬，好彩嘅或者上到樓，但大部份都好似我咁，要住番劏房。」巫透露他月入近二萬，但要自資攻讀碩士，兼要養家，唯有與朋友合租劏房居住。「呢場火反映出社會好多問題，仲係環環相扣。地產霸權令樓市畸形，市民連租樓都租唔起，劏房就應運而生。下屆邊個做特首都係差唔多，我只想提醒一句，市民要有合理生活環境，政府責無旁貸！」