網上有名嘅「司徒夾帶」師傅，早前去到鴨綠江邊地下室，做咗個不可能的任何──同新登場領導人「金將軍」做全宇宙獨家嘅專訪，揭開呢個新領袖嘅神秘面紗。
八方同好多人一樣，見到北韓人哭天搶地都好疑惑，究竟有冇咁激動呀？夾帶師傅將呢個問題，請金將軍親自解說。據金將軍講，人民嘅眼淚絕對係真，因為根據國家傳統，如果在世嘅人，喊得唔夠真誠，死咗嘅心會翻生，到時你仲驚，真係喊都無謂。
傳說金將軍同死鬼老竇，都喜歡邀請外國女藝人到訪，「少女時代」就嚟訪問香港，唔知金將軍屆時會唔會微服訪港？難得做到獨家訪問，金將軍十分客氣，送番份禮物畀夾帶師傅，竟然係一支金寶鐘！廣告都有話，用金寶鐘，清潔好輕鬆，一於用嚟刷廣場啦！