【本報訊】也許你也遇過中環有一個怪婆婆，十多年來每天用膠袋笠頭，手挽幾袋裝滿膠袋的膠袋，整天在街上遊走，無視四周奇異目光。路人以為她是拾荒者，其實她家住半山無敵海景豪宅，只是單位已被她拾來的膠袋塞滿變「垃圾屋」。「膠袋人」的丈夫每天默默忍耐着妻子古怪行徑，向記者細訴她在03年沙士一役後，如何無法擺脫膠袋的「保護」。
記者：邱錦綉、黃江奇
街坊見「膠袋人」衣衫破爛，布鞋穿窿，總以為她是窮困拾荒者；但見到她出入高級餐廳，且說得一口流利英語，無不嘖嘖稱奇。「佢好怪㗎，行幾步又向後望，好似驚人跟蹤佢。」中環摩羅廟街一間餐廳的老闆說。就在這時，「膠袋人」經過，邊行邊用絲巾猛撥。
「好差啲人，好唔衞生！空氣污染到死！」記者見她不停罵，原來她在投訴路人吸煙。「我要行公園，我要呼吸！」她快步向動植物公園走去，動作之快全不像68歲。記者見她進了金鐘廊後失去蹤影，商場的售貨員說她天天到該處午膳︰「佢雖然着成咁，不過有錢買飯㗎！」
滿口英語稱常遇董建華
黃昏，記者又在羅便臣道見到她，她繼續頭笠膠袋，經寶雲道行往灣仔，沒半點氣促。她路過寶雲道公園時，前特首董建華在保鏢陪同下走過，滿口流利英語的「膠袋人」笑說︰「成日撞到啦，佢好nice㗎，我哋有打招呼！」說完又繼續落山走到灣仔合和中心，之後在修頓球場稍休息，到附近燒臘店買晚飯後便行回家，天天如是。
不少街坊都見過「膠袋人」，說她經常出沒半山、中環及灣仔一帶，以為她在該區露宿，但記者追查後發現她原來是「有米之人」。
「膠袋人」吳少英，家住半山羅便臣道附近英輝台一號英輝閣，其夫姓陳，72歲，是退休公務員。記者到其寓所採訪，大門一開，只見全屋塞滿膠袋，傢俬電器早被膠袋「淹沒」。「冇法子，扔咗佢又執返嚟。」陳苦笑着請記者內進，但屋內連可以坐下詳談的地方也沒有。
「呢度好實用㗎，以前麻雀都開三枱。」陳指着客廳，但電視櫃和沙發已被膠袋壓着，電視改放在一張椅上，只能勉強站在旁邊看。廚房入口同被膠袋山阻塞，爐頭堆滿垃圾。「家三餐都喺出面食，雪櫃都用唔到，有乜法子?」全屋只有廁所無堆膠袋，書房和睡房一樣一袋叠一袋。陳說晚上睡覺要小心翼翼「捐」上床，動作稍大便會被跌下來的膠袋砸中。
陳說單位可俯瞰維港，600多呎市值700萬元，加上自己有長俸，夫婦本可舒舒服服安享晚年。陳說太太是同學的妹妹，73年結婚後便辭工做少奶奶，他則在地政署工作。兩人沒生小孩，閒時行山游早水，放大假就周遊列國，生活優游，但沙士後太太行為變得怪異。
夫：「佢鍾意做實俾佢做」
「03年沙士嗰陣佢整親隻腳，送咗去瑪麗留醫，嗰時醫生發現佢精神有啲問題，轉介去睇心理醫生。」陳說太太90年起已喜歡執膠袋回家，情況並不嚴重，沙士出院後，執膠袋的行為變本加厲，每次都執十數袋回家，且愛將自己包到似蒙面超人，像要用膠袋隔絕一切惡菌。
「醫生話佢患咗思覺失調，不過就冇開藥俾佢食。」陳說03至06年間，每隔三個月便會帶太太到醫院睇心理醫生，但是她的情況沒好轉，後來更拒絕再求醫。「佢鍾意做一定要俾佢做，否則又嘈；我唔想嗌交，惟有忍囉。」陳無奈的說。