薛芷倫、黃偉文、羅霖及超雲前男友王大業等前晚在尖沙嘴出席時裝活動，婚前分手的姚予晴和Sunny同場，林莉低胸露腿與谷胸離罩的徐靜雯、AliceB.一齊行騷。
重生變堅強
薛芷倫遲到約一小時，穿上近期捲入禁攝風波的Dolce&Gabbana的招牌corset裝，谷胸上陣。她笑指自己唞不到氣，現場見她下巴又尖了，問她是否人工改造？她即說：「有報道講呢啲，但我經過電療、化療，體質、樣貌都唔似以前，狀態都緊要，水腫冇咗，面都尖啲。」她指美容有好多新科技，適合自己都會試新產品，她說：「個個都想自己靚啲。我重生咗，希望每日狀態都好。」問她可會接受下巴打針？她說：「接受到，效果好就做。」
採訪、攝影：林嘉慈