【本報訊】駕駛電單車逾10年的黎志偉，是「零意外」鐵騎士，自從妻子懷孕後，他改揸七人車，奈何意外前兩日，他駕駛七人車遇車禍撞毀，汽車維修期間被逼重用綿羊仔，「當日開車時已覺心緒不寧，好似不祥之兆咁，已經揸得好慢，諗唔到咁都出事。」
太太懷孕改揸七人車
家住屯門的志偉，10多年來以電單車代步，從沒發生過意外，「揸電單車冇出過事，反而揸私家車撞過幾次。」他說，出事電單車為本田綿羊仔，得知太太有孕後，令他更注重安全，甚少駕駛電單車，多以七人車代步。
可是，上月7日，他駕駛七人車在新田遇意外，被一輛的士撞爛，幸他僅輕傷，惟七人車需送車廠維修，只好再使用該綿羊仔。事發當日他開車前已有點忐忑不安，似即將有事發生：「我唔敢開得咁快，咪錶顯示係時速70公里。」無奈注意安全及神奇預感，都幫不到他逃過一劫。