呂珊噚日去咗新城電台接受訪問，佢話呢排忙緊錄一隻發燒碟，而農曆年就會去美加等多個地方登台，實行密密吸金。問呂珊會唔會賺到7位數字？呂珊好坦白咁話：「都有嘅，但就好辛苦囉！有幾場要由朝早唱到夜晚，完晒先走得。」可見呂珊呢啲唱家班真係幾受歡迎，呂珊仲透露，家計劃去埋歐洲登台，嘩！佢呢個新年真係豬籠入水喎。