周麗淇（Niki）前日於9度寒冷天氣下，到九華徑村拍劇集《女警愛作戰》，以女警軍裝打扮的她只穿一件單薄恤衫，不用埋位時助手即為她披上羽絨。Niki說由於演女警故不能穿太多衫：「只係着咗件保暖底衫，同埋貼咗4個暖包，反而拍古裝啲衫仲厚啲。」Niki又指大前晚天氣轉冷時要於廠內拍一場被謝天華淋水的戲，她說：「嗰晚畀4、5桶水淋落嚟，返到屋企都有少少感冒。」
另外，Niki昨到商台受訪時，提到她主演的師奶劇《我的如意狼君》結局平均有36點收視、最高有40點，她說：「之前話個檔期唔好，證明冇咁嘅事，我會同黃浩然商量點慶祝，但拍續集機會唔大。」
採訪、攝影：馬建華