林峯和食物及衞生局局長周一嶽昨日到港台出席「精靈一點關愛病人大行動」。林峯表示曾有患重病的歌迷指其歌曲有治療作用，他說：「以前有啲患咗比較嚴重疾病嘅fans，話唔舒服時睇我嘅劇同聽我嘅歌去堅持落去，我估唔到自己嘅作品有一個鼓勵作用，作為一個藝人聽到呢啲事真係好開心。」
對攞獎有信心
近日有指林峯會得到《勁歌》總選的最受歡迎男歌星，他笑言每年頒獎禮都有不同傳聞，他說：「仲有幾日，到時大家咪知囉，其實我本身唔緊張，但睇完呢啲報道就會令我好緊張。」他坦言對攞獎有信心，問他恨不恨成為最受歡迎男歌星？他說：「信心會有，今年我放咗好多努力喺音樂上，總之有份角逐嘅獎項都想得到，我都希望自己嘅努力得到認同。」
採訪：李珮洳 攝影：黃文偉
