模謝芷蕙（Cammi）去年與陳冠希（Edison）慾照曝光極速上位，但同時被踢爆媾仔成性，被封「集郵女王」形象直插谷底。Cammi前晚接受now觀星台訪問時，強調自己仍是處女，但有近九成觀眾認為她應該退出娛樂圈，Cammi見統計不禁：「嘩！」了一聲。
集郵女Cammi前晚在觀塘接受now觀星台直播訪問，主題是「重新認識Cammi」，Cammi被主持人梁榮忠問是否仍是處女？她最初迴避說﹕「呢個問題真係好私隱，其實我都講過、曾經講過係。」再被追問這一刻是不是？她說﹕「呢一刻都係！冇講大話。」
聞言扁嘴
Cammi透露與Edison拍拖個幾月時間，因慾照曝光而分手亦覺得可惜，拍拖時沒有想過身份、地位等問題，她說﹕「拍拖鍾意就鍾意，佢最後一句同我講嘅說話唔係太記得，好似係『晚安』，嗰陣時係夜晚嚟嘅。」問到最介意被指是大話精、樣衰還是好cheap？Cammi說：「我講嘅嘢同報章有唔同寫法，啲人就覺得我係大話精，俾人誤會晒。」
節目內有觀眾互動投票環節，89.4%的人覺得她退出娛樂圈及努力讀書，沒有人贊成她當歌手及演員，Cammi聞言亦嚇一跳說：「嘩！」在鏡頭前咬唇扁晒嘴。
推出寫真
踏入2012年新開始，年僅16歲的Cammi已滿腹大計，揚言新一年希望中、英、數學業成績有進步，還會修讀時裝課程，至於工作方面，Cammi透露會推出個人寫真集和EP。而最近推出的新歌《kissmekissme》惹人聯想起慾照事件，被質疑借勢宣傳，Cammi解釋道：「首歌其實係喺9月嗰陣已經有，當時我哋都未拍拖，公司畀我唱咪唱囉。」
至於感情事，Cammi並不強求，她說︰「依家咁忙，拍拖會順其自然。」提到早前被指教壞樂壇新人蔚雨芯（Rainky），Cammi坦言感到好無奈。
採訪、攝影：王崇穎