酒商AckerMerrall&Condit喺1月13及14日舉行名酒拍賣會，近千批佳釀總估值逾8,000萬港元，當中最矜貴嘅係一支「無價寶」名釀，真係買唔起都想見識吓。
被譽為「無價寶」嘅係一樽原裝1870年3公升裝ChateauLafiteRothschild紅酒，百幾年來一直貯存喺酒窖，直至03年底先拍賣，更獲巴黎上訴法院專家ClaudeMaratier發出書面證明，保證係真品同來源真確。
酒評家MichaelBroadbent形容呢支酒係「最偉大的名釀傑作之一」，送禮自用佳宜咁話，據講酒色呈現深寶石紅色調，有新鮮芹菜片、薄荷、雪松同黑醋栗香味。拍賣行冇為呢支百年紅酒估值，買家捨唔捨得飲呢？