【本報訊】精神科醫生陳仲謀了解過「膠袋人」的個案後，認為她患上「慢性精神分裂」，即所謂的思覺失調。
醫生促盡快求診
「佢嘅思路好難明，你唔可以用常人嚟理解佢嘅行為。佢可能有幻覺，有聲音叫佢，佢亦會覺得好空虛，執嘢可以令佢有滿足感。」陳仲謀說思覺失調不能單靠心理輔導，須用藥物才能控制病情。
「佢因為有幻覺同幻聽，有聲音叫佢執膠袋，話嗰啲嘢係寶物，佢先會執咁多膠袋返屋企。佢一定要打針食藥，先可以控制到幻覺；冇咗呢啲幻覺，佢就唔會再執垃圾。」陳擔心病人若繼續不獲治理，後果不堪設想。
「患者唔一定有暴力傾向先算高危，佢有幻聽，隨時會有把聲叫佢跳落街！」他建議家人盡快帶患者求醫，甚至強迫她入院，免病情惡化。