英超快車期由頭爆冷到尾，除肥了莊家外，戰場上少有贏家；死戰過後，英超兵即要轉戰傳統嘅足總盃，名義上像重新出發，實際上將這盃賽貶低了。勢成亂局再爆格，莊家開了近30場波，我選乙組車頓咸作客英超3哥熱刺小敗，甚至博個18倍冷W，咪當我亂貼，英超快車期時若識亂貼，也不會弄得遍體鱗傷。
細路嗰陣愛上足球，全因難得喺電視直播看到英格蘭足總盃，那些年，呢個盃仔真係叫爆冷溫床；20年前的1月丁組域斯咸驚世淘汰甲組阿仙奴的經典傑作，今天仍有不少英國傳媒借足總盃「開鑼」翻舊賬，懷緬一番。近年爆冷鏡頭少了，超聯球會求財求名去到較後圈數認真不少，不過一心想放棄的，第3及第4圈還是會求其應付，派二線兵應付了事；上年超聯中就有阿仙奴、曼城及史篤城首戰與低級別對手戰和要重賽，而紐記、新特蘭及黑池更一出即死。
英超球會今年準備第3圈初登場嘅情況會更糟，完成4輪快車後，小弟翻看去年12月20日《蘋果》體育版所刊登的積分表，對比今天的資料，戰果大兜亂、爆到七彩；但球會成績除新特蘭大躍進而昆士柏退步外，第1至9名排名竟然不變，尾3隊也只係互換位置，打得咁密，原來實力分野根本對賽果影響不大，今次真係上咗寶貴一課。
今天點題，博熱刺主場鬥乙組車頓咸開不成[-2]「主勝」，甚至和波、或者失手爆出18倍客W。一來對手喺乙組排第2，更錄得客場8連勝，也小休了十多天應付今戰；最重要熱刺正心雄英超錦標，傷兵在快車後也不少，更要應付下周三迎愛華頓的英超補賽，該仗若拿下3分，即能與曼聯並列次席，繼續壓迫曼城，今晚有需要「夫添」、去盡博大勝這支乙組仔嗎？
局勢太混亂，其他的不敢也不懂作推介；真係要場場研究，小弟建議大家參考BBC網站的足球名家、利物浦名宿羅蘭遜嘅貼士。人家老江湖一生奉獻足球，不只英超，連非聯賽賽事嘅汁都會撈埋，總有你認同嘅心水。小弟睇足兩個禮拜英超筋疲力竭，今天足總盃直播戲碼唔多啱胃口，放假寧願冒寒外出，欣賞另類三級片《龍紋身的女孩》好過。
下次見報日期(11/1)
蘋果波神
今日重心推介
熱選
車頓咸勝[+2](2.6)
冷選
車頓咸勝(18)