謝天華、吳鎮宇和黃宗澤主演的電影《LaughingGor之潛罪犯》現正上映，此戲可說是男人戲，女演員只是配襯，若要在男人戲內突圍而出，有一定難度，徐子珊在戲中繼續做律師，不過她已經儍了！
子珊日前接受訪問時說：「今次難度都幾高，除咗拍攝時間，我喺戲入面仲係話我已經儍咗！表面上係冇乜嘢，但係根本就唔正常，所以都好難做，我仲要喺同一個鏡頭，全部都係要做兩次，因為交代我係儍，所以都幾辛苦。」
等天光追日出
子珊表示她的戲份不多，不過導演很高要求，她說：「記得有一場，我坐到天光，導演就時刻話子珊埋位，要追個日出，咁我只可以得兩個take做，真係好考我。」
採訪、攝影：楊潔雯