應屆港姐季軍許亦妮曾被網友踢爆爛蒲兼專媾有錢仔，網上仲瘋傳佢同13個唔同男士嘅親密相，仲話佢嘅多數都係有錢仔，似乎佢鍾情呢類男仔。不過當選之後，許亦妮似乎刻意修心養性，謝絕夜蒲同好少見到異性埋佢身。
婚照曝光
不過前幾日，本報直擊許亦妮同四眼西裝男喺銅鑼灣拍拖睇狗兼食晚飯，仲用佢嘅35吋上圍胸頂四眼男。之後個四眼男被揭發原來係天大証券董事、有金融界王祖藍之稱嘅施俊威（Ray），佢不時喺電視財經節目同報章雜誌講股。
事後許亦妮同阿Ray劃清界線，話阿Ray只不過係朋友，啱啱喺外國返嚟。許亦妮講大話係有苦衷，因為噚日就有讀者報料話阿Ray原來已經結咗婚，許亦妮話男方喺外國歸來係希望轉移視線，唔想俾人知佢同有婦之夫行埋，不過紙始終包唔住火。