樂隊太極早前大除夕與Mr.、Rubberband和Kolor舉行演唱會，與觀眾一起倒數，身為前輩的他們未怕與其他樂隊有代溝，相信音樂大同，要做場盡興的band騷，最緊要好玩。
樂隊太極在除夕夜聯同一班後輩樂隊Mr.、RubberBand和Kolor在亞洲國際博覽館舉行「Rock'nOver狂熱搖滾除夕倒數演唱會2012」，同觀眾一起倒數搖滾過新年。
太極日前表示以往做過不少倒數活動，今次可以與一班後起樂隊一齊演出，就如他們初出道時，樂壇有很多樂隊，代表搖滾不滅，太極說：「其實呢幾隊band，我哋都合作過，大家都好熟，所以應該會好好玩。」雖然他們年紀相差一大截，但太極無懼代溝，也不會擺起前輩姿態，他們說：「唔一定要我哋話事，最緊要係好玩，音樂係大同㗎嘛，點會有代溝。」
合唱Beyond歌曲
當晚他們還合唱Beyond的歌，除了想懷念他們，Beyond有很多歌也是band仔的最愛，太極說：「就算唔使夾，大家都一定識唱Beyond嘅歌。」太極各成員都已成家立室，在節日工作，有否叫家人一齊到場度大除夕？他們說：「都有諗過叫埋幾家人一齊睇我哋嘅演唱會，順便慶祝埋，難得可以咁多家人聚埋一齊，但又怕會太混亂，以前都試過，個後台熱鬧到控制唔到。」
採訪：胡比
攝影：陳志嵐