私駕路：慳家女友整容後　拋頭露骨

曾有非正式統計指，大部份韓國人都曾經接受各式各樣的整容──又有誰唔想自己的女朋友變得越來越靚？與HyundaiElantra相處五日四夜後，不禁由衷說道：「點解唔一早整呀！」

記者：李鑒泉
攝影：譚盈傑
Model：[email protected]

5日4夜輪住試

女朋友當然要見得人！但無論同事或姨媽姑姐看到Elantra真身都滿腹狐疑：「乜韓國車咁靚㗎咩？」與之前4代比較，新一代Elantra真是醜女大翻身，整合式車頭、修長頭燈及LED燈等都感覺煥然一新，進氣柵欄外拋的線條更添幾分跑味！今次就跟女友來個5日4夜之旅：

第1代

第2代

第3代

阿媽試：一Click運桔

Elantra既有天使面孔又怎會缺少魔鬼身材，4,530×1,775×1,445mm的體態不算豐滿，但後拱的車頂條線卻讓人錯覺它是一部揭背車，Elantra雖沒揭背車的名，但卻有大尾箱的實。只要在尾箱拉一下暗掣，後排座椅便乖乖伏在地台上，就算手騰腳震的細妹都可以一take過搞掂，唔使尾箱後座走來走去咁麻煩。連同摺合尾座後的空間，不單是辦年貨，甚至是擺放大盆柑桔也沒難度，連要求多多的母親大人也被得貼貼服服。

■電動天窗盛惠$4,600。

啲Fd試：3號幹線超車OK

翌日再約幾個朋友去流浮山食海鮮，身形高大的朋友鍾意車廂夠高唔頂頭，而2.7米軸距又讓後座有足夠空間伸展雙腳；貪靚的女性朋友就話中控台設計超夢幻，即使不是桃木裝飾，但無論是中控台還是門側手把都是以弧形設計，交替運用的金屬及鋼琴面板令波棍至音響更見科幻，整個感覺猶如置身太空船之中；向來鍾情日本車的朋友更大讚Elantra操控有驚喜，配備一台1.6公升直四引擎，130匹馬力即使稱不上澎湃，但在6前速+/-波箱協助下，無論應付三號幹線的高速超車，還是元朗的爛路泥路一樣遊刃有餘，而且更有慳油模式，平均唔使$1/公里。如果可以加埋軚盤撥片就更理想，但世上又怎會所有事都盡如人意？
不經不覺又到還車日子，分手前決定帶Elantra到清水灣親親大自然，按着H形軚環的多功能鍵聽着《Allyouneedislove》，再打開天窗細聽風聲樹葉聲，感覺特別暢快。以毋須17萬的價錢就能擁有又靚又慳家的女友，夫復何求！

外表執靚